Bergfietsspan takel RSA se voorste talent

Fietsry
Op grond van SA Beker-uitslae in 2026 het van die Namibiërs ’n goeie kans om vir die podium mee te ding.
Andrew Poolman
  • 15 Hours Ago

’n Groep van 17 jong Namibiese bergfietsryers het Woensdagoggend na Stellenbosch vertrek, waar hulle Vrydag en Saterdag aan die Suid-Afrikaanse Skole provinsiale eindbyeenkoms sal deelneem.

Die Namibiese ryers het tydens vanjaar se plaaslike FNB Skole-bergfietsreeks na vore getree en sluit gedugte mededingers soos Qara Volschenk (meisies o.14) en Micah Chase (seuns o.15) in, wat reeds in vorige Suid-Afrikaanse byeenkomste met podiumposisies hul slag gewys het.

Die reisgroep is:

Meisies o.14: Qara Volschenk (Windhoek Gimnasium)

Seuns o.14: JP Lambert (Windhoek Gimnasium), Hendrik Baartman (Windhoek Gimnasium), Allain Arthur (St. Paul’s), Damian van Dyk (Roots Gimnasium), Hindie van Rensburg (Pro-Ed Akademie).

Seuns o.15: Micah Chase (St. George’s), York Ahrens (DHPS), Max Heigan (Windhoek Gimnasium), Christo Nell (Windhoek Gimnasium).

Meisies o.15: Ayixe Shaanika (St. George’s).

Seuns o.16: Francois van Zyl (Windhoek Gimnasium), Penyovamati Hashiti (PAY), Uazikua Hangero (PAY), Daniel Hennes (Windhoek Affies), Dylan Coetzee (Privaatskool Swakopmund).

Meisies o.16: Joadri de Beer (Windhoek Affies).